நன்னிலம்

நன்னிலம்
நாம் நிலம்

நல்ல நிலம்

புதையலுள்ள புதிய களம்!

நம்மிலுள்ள விழுமியங்கள்

கண்ணிலுள்ள கண்ணீரல்ல

காய்ந்துபோக கரைந்துபோக – அது

அட்சயப்பாத்திரதிலுள்ள அமுதங்கள்

அழிந்துபோகா குறைந்துபோகா!

நன்னிலத்தில் எழுச்சிபெறும்

நல்லெண்ண விதைகள்

நானூறு மடங்காக – ஆனால்

தீயென்னா விதைகள்

தீய்ந்துபோம், அழிந்துபோம்!

நன்னிலங்களே புறப்படுவோம்!

புரட்சிசெய்ய – பசுமை

புரட்சிசெய்ய …

நன்மையினால் தீமையை வெல்ல

தீமையை வென்று நன்மை செய்ய.

சகோ. ஆக்னல் சார்லஸ் OCD

Tamil Sangam Group Members List (2011 -2012)

Kurinji	Mullai (15.01.2012) Collegio san Paolo	Marutham (date19.02.2012) Collegio san Paolo	Neithal (date 22.04.2012) Collegio san Paolo
Mr. Christopher and family	Mr. Yogaraj and family	Mr. Mariadasu and Family	Mr. John and Family
Mr. Nathan and family	Mrs. Pushpa Malar	Miss. Chinna Malar and family	Mr. Gino and Family
Mr. James and family	Mr & Mrs. Janakiraman family	OMI Fathers	Collegio Santa Maria in Portico in Campitelli
Carmelite brothers and Fathers	St. Paul’s Fathers (Collegio San Paolo )	St. Peter’s Fathers (Collegio san Pietro)	Collegio Leoniano
Society Missions of Africa	Guanellians	Jesuit Fathers	Holy Cross Fathers
Passionist sisters	Collegio san Lorenzo (OFM cap)	Marianum Fathers and Brothers	CssR Fathers
Presentation sisters	Sacred Hearts Congregation fathers	De la salle Brothers	Gonzaga Sisters
	Marianist	Salesian Fathers and Brothers	Convitto Tommaso (Angelicum)
	Claretian Fathers Brother	Immaculate sisters (FIHM)	Religious of Mary Immaculate sisters
	St. Anne’s  Sisters	Holy Family sisters	Salesian Sisters
	Holy Family of Bordeaux	Clarist sisters	Cluny sisters
	MDI Sisters	Istituto Sant’Anna  Sisters	Saint Peter Claver sisters
		ICM Sisters	Sr. Agnes

குறிஞ்சி

குறிஞ்சி நிலம்

“சேயோன் மேய மைவரை உலகமும்”. 
தொல்காப்பியம்.

குறிஞ்சியாவது, மலையும் மலைசார்ந்த இடங்களும், இயற்கை அழகும், வளங்களும் நிறைந்தனவாக, இளம் பருவத்தாரிடையே புணர்தலும் புணர்தல் நிமித்தமும் செல்லவும், இவைபற்றி எல்லாம் நினைக்கவும், அணுக்கரிடையே (தமக்கு நெருக்கமானவர்) தம் உணர்வை எடுத்து கூறவும் பொருந்துவனவாக அமைந்திருக்கும் நிலப்பகுதிகள். எனவே, தனித்து வேட்டை மேல் செல்லும் இளைஞனும், புனம் காத்து நிற்கும் கன்னியும் ஒருவரை ஒருவர் கண்டு காதலுற்று ஒன்றுபடுவதற்கு ஏற்ற நிலைக்களமாகி, இந்த துணிவு நிகழ்வதற்கு ஏற்ற வாழ்வியல் அமைந்தது குறிஞ்சி ஆகும். குறிஞ்சித்திணைக்கு கூதிர்காலம் மற்றும் முன்பனி காலம் பெரும்பொழுதுகளாகவும் யாமம் சிறுபொழுதாகவும் அமையும்.

குறிஞ்சியின் கருப்பொருட்கள்:

கடவுள்	முருகக்கடவுள்
மக்கள்	பொருப்பன், வெற்பன், சிலம்பன், குறத்தி, குறவன், கொடிச்சி, வெற்பன், வேம்பன், பொருப்பன்,கானவர்
புள்	கிளி, மயில்
விலங்கு	புலி, கரடி, யானை
ஊர்	சிறுகுடி
நீர்	அருவி நீர், சுனை நீர்
பூ	வேங்கை, குறிஞ்சி, காந்தள், குவளை
மரம்	ஆரம் (சந்தனம்), தேக்கு, அகில்ம் அசோகம், நாகம், மூங்கில்
உணவு	மலைநெல், மூங்கில் அரிசி, தினை
பறை	தொண்டகப்பறை
யாழ்	குறிஞ்சி யாழ்
பண்	குறிஞ்சிப்பண்
தொழில்	வெறியாடல், மலைநெல் விதைத்தல், தினைப்புனம் காத்தல் தேன் அழித்தல், நெல் குற்றுதல், கிழங்கு எடுத்தல், அருவி மற்றும் சுனை நீர் ஆடல்

முல்லை

“ மாயோன் மேய காடுறை உலகமும்" – தொல்காப்பியம்”

முல்லை என்பது பண்டைத் தமிழகத்தில் பகுத்து அறியப்பட்ட ஐந்து வகைத் தமிழர் நிலத்திணைகளில் ஒன்றாகும். காடும், காடு சார்ந்த இடங்களும் முல்லை நிலமாகும். செம்மண் பரந்திருத்தலால் முல்லை நிலமானது செம்புலம் எனவும் அழைக்கப்பட்டது. இந்நிலம் முல்லை மலரைத் தழுவிப் பெயரிடப்பட்டது. கார் என்னும் பெரும் பொழுதும் மாலை என்னும் சிறுபொழுதும் முல்லை நிலத்துக்குரிய பொழுதுகளாகும். இந்நிலத்து ஆயர்களது வாழ்வியல், ஆடவர் ஆனிரை (பசுக்கள்) மேய்த்தற்கு பகற்பொழுது எல்லாம் காட்டிடத்தே இருத்தல், மகளிர் பால், பயன்களை விற்று வருதல் போன்ற ஒழுக்கத்தோடு ஒட்டியதாகும். ஏறு தழுவி வெல்பவனுக்கே மகளைத் தரும் வழக்கமும், அவனையே விரும்பி ஏற்கும் கன்னியர் மனமும் இத்திணையின் சிறப்பான மரபுகள். இதனால் காத்திருத்தல் தன்மை இயல்பாக, இருத்தல், இருத்தல் நிமித்தம். முல்லைத்திணைக்கு உரிமையாக்கி உள்ளனர்.

முல்லை நிலத்தின் கருப்பொருட்கள்

கடவுள்	மாயோன் (திருமால்)
மக்கள்	குறும்பொறை நாடன், தோன்றல், மனைவி, கிழத்தி, இடையர், இடைச்சியர், ஆயர், ஆய்ச்சியர், பொதுவர், பொதுவியர், கோவலர்
புள்	காட்டுக்கோழி
விலங்கு	மான், முயல்
ஊர்	பாடி, சேரி, பள்ளி
நீர்	குறுஞ்சுனை நீர், கான்யாற்று நீர் (காட்டாறு)
பூ	குல்லை, முல்லை, பிடவம், தோன்றிப்பூ
மரம்	கொன்றை, காயா, குருந்தம்
உணவு	வரகு, சாமை, முதிரை
பறை	ஏறுகோட்பறை
யாழ்	முல்லை யாழ்
பண்	முல்லைப்பண்
தொழில்	சாமை விதைத்தல், வரகு விதைத்தல், அவற்றின் களை கட்டல் மற்றும் அரிதல், கடா விடுதல், கொன்றை குழல் ஊதல், ஆவினம் மேய்த்தல், கொல்லேறு தழுவல், குரவை கூத்தாடல், கான்யற்று நீராடல்.

முல்லை நிலத்தின் உரிப்பொருட்கள்
அக ஒழுக்கம் : இருத்தல்

புற ஒழுக்கம் : வஞ்சி